Kaptein Hindon, Oorlogsavonture van 'n Baasverkenner - Gustav S. Preller

Kaptein Hindon; Oorlogsavonture van 'n Baasverkenner - Gustav S. Preller - 1942, derde druk - Nasionale Pers Beperk - 290p, swart en wit foto's en illustrasies en bladwyser vir persoonsname - Voorwoord van Pres. Reitz - Oorspronklike rooi linne band in redelik goeie toestand, rugkant het 'n paar waterspikkels - Intern: voorkant losserig van buiteblad, skudblad met foto van kapt. Jack Hindon driekwart losgeskeur, verder skoon en stewig gebind (sonder vogmerkies of enige verkleuring)

In inleiding deur Preller:

"...........Hindon het naamlik gedurende die oorlog aantekeing gehou in 'n sakboekie, van al die vernaamste gebeurtenisse om hom heen; die aantekeninge het hy onmiddellik na die oorlog in Nederland vir die Engelse pers klaargemaak (maar nie uitgegee nie), en hierdie boek is van laasgenoemde nou 'n bewerking. Eintlik 'n dagboek-bewerking. Maar, - wat, altans die historiese gebeure as sodanig aanbetref, - glad nie 'n, willekeurige bewerking nie. Die dagboek werd gehandhaaf nie alleen nie, maar waar die skrywer se waardering van die stof dit so meegebring het, werd in oorleg met kapt. Hindon, sommige van die belangwekkendste momente uitvoerig behandel, en aan ander weer vanself 'n meer beskeie verhouding toegeken. Laasgenoemde is die geval bv. met gebeurtenisse wat, hoe nodig ook vir 'n begrip van die algemene verband, buiten Hindon se eie onmiddellike waarneming geval het; en ook met iedere persoonlike beoordeling van oorlogstrategie en -taktiek......"