Karl Kielblock - Die Vreemdeling

Die Vreemdeling - Karel Kielblock - Tafelberg - 1978, eerste druk - 148pp - Hardeband (sonder stofomslag) in baie goeie toestand - Intern skoon en stewig gebind.

Jeanne de la Nois was ‘n beeldskone en welgestelde jong dame, maar tog het daar ‘n donker wolk oor haar lewe gehang. ,,Ek het besluit dat jy met my sal trou, en met g’n ander man nie,” het die wrede, baasspelerige Abraham Lauffeld aan haar gesê. Sy het hom verafsku, veral oor die wyse waarop hy sy teenstanders in tweegevegte om die lewe gebring het, maar het nie geweet hoe sy hom sou kon teëgaan nie.

 Haar broer en voog was volkome in sy mag, terwyl die ander mans aan die Kaap wat haar miskien sou wou help, bang was vir sy invloedryke vriende in die Kompanjie en sy dodelike behendigheid met die swaard.

So het sake gestaan toe daar ‘n vreemdeling, asof uit die bloute, op De Bos aankom. Jan Egmont, het hy gesê, is sy naam. Daar was iets aan hierdie lughartige en galante man wat vertroue by Jeanne ingeboesern het. En tog. . . wie was hy nou werklik? Kon sy op hom staat maak? As daar dan ook nog ‘n moord op De Bos gepleeg word, en almal dink dat Egmont die skuldige is, raak sake oneindig ingewikkeld. Dit is ‘n taai knoop om te ontrafel, veral as ‘n mens te doen het met ‘n vurige nooientjie soos Jeanne