Kook en Geniet deur SJA de Villiers, 13de hersiene druk 1962, H/B sonder stofomslag. 551 pp.

'n Netjiese 1962-eksemplaar van die befaamde Kook en Geniet deur SJA (Stoffelina Johanna Adriana) De Villiers. As jou ma of ouma jou nie geleer kook en bak het nie, is Kook en Geniet jou tweede keuse. Die duidelike metodes wat by die resepte aangegee word, help veral die beginner wat nog skaars 'n eier kan kook. 

Die eerste uitgawe van hierdie klassieke kookboek het in 1951 verskyn en is deur die skryfster self uitgegee. Hierdie eksemplaar is die dertiende hersiene druk van 1962, ook deur die skryfster uitgegee. Die boek is so gewild dat dit vandag nog in druk is. Hierdie eksemplaar is besonder skoon vir 'n kookboek met hier en daar merkies en potloodaantekeninge. Voorste en agterste skutblaaie het bruin ouderdomsvlekkies. Band halfpad oop by voorste skutblad, maar geen blaaie is los nie. Hardebandomslag skoon met effense verwering by kop en stert van rug. Gewig: 1 kg

POSGELD: Voeg asb R60 by boekprys. Ons stuur boeke met Paxi-koerier (Pep Stores). Verskaf asb adres van jou naaste Pep-winkel. Nog 3 tot 5 boeke pas in jou Paxi-sak, steeds net R60. Vir vinniger aflewering, kies Courier Guy. R90 vir tot 2 kg.