Main centres: | 1-3 business days |
Regional areas: | 3-4 business days |
Remote areas: | 3-5 business days |
2009. Sagteband, 152 bladsye. Baie goeie toestand. R65 posgeld in SA.
Hierdie bundel vertellings, sketse en verhale is kontreikuns op sy beste. Danie Schreuder se 'n Beter hemel spreek van ’n wysheid gevoed deur ’n baie intieme kennis van en liefde vir ’n spesifieke stukkie aarde. Die mond wat hier vertel, is een wat oorloop omdat die hart vol is, en die hart is vol van die klein plekkie Koringberg en sy omtes. Herinneringkuns is dit wel, maar dan ’n herinnering gegrond in ontroering eerder as idealisering. En die ontroering raak-raak dikwels aan die pynlike eerder as die gemoedelike.
Danie Schreuder is gebore in die Koringberg distrik, waar hy op die plase Middeldrift en Broodkraal grootgeword het. Ná matriek op Koringberg, studeer hy in die Natuurwetenskappe aan die Universiteit van Stellenbosch, waarna hy hom in ‘n onderwysloopbaan bevind – aanvanklik by die Universiteit Wes-Kaapland, en daarna vir vyf jaar as Biologie-onderwyser. Uiteindelik vind hy egter sy nis as onderwyser-opleier, aanvanklik by die Wellington Onderwyserskollege en daarna by die Universiteit van Stellenbosch. Drie van sy vroeëre vertellings is opgeneem in bundels van onderskeidelik Hennie Aucamp (Borde, borde, boordevol: Tafelberg, 1998) en Abraham de Vries (Uit die kontreie vandaan: Human en Rousseau, 2000). Hierbenewens het ‘n reeks populêr-wetenskaplike artikels uit sy pen tussen 1998 en 2002 in Die Burger se kinderbylae verskyn.