Lang Henning en die Moordplaas

Lang Henning en die Moordplaas

Dis 1875 in die Groot Karoo. Lang Henning, avonturier van die vlaktes, word teen sy sin betrek by ’n grusame plaasmoord. Sonder veel hulp van Beaufort se magistraat, met slegs ’n wraaksugtige jong seun en dié se brandsiek hond as metgesel, gaan dit maar broekskeur om die skuldiges vas te trek...

(A5, 103 bladsye)

Lang Henning / Die Karoo Avonture

In die sewentigerjare van die negentiende eeu is die Karoo so wild soos die Weste nooit was nie. Wet en orde is ver te soek. Bendes veediewe voer ’n skrikbewind, selfs die dorpe bied geen veiligheid nie en dikwels lui die kerkklok alarm net voordat die vlamme van ’n brandende huis die donker nag verlig. Hier reis niemand alleen nie, want ’n perd is meer werd as ’n menselewe en ’n koeël die enigste prys.

Dit is die wêreld van Lang Henning, vrybuiter van die vlaktes. Met perd en roer en sy vuiste voer hy die stryd teen die boewe en skurke wat skuil in die ruigtes van die Groot Karoo. Aan sy sy is Jakobus Johannes Delport, ofwel Boet, weeskind gemaak deur ’n moordende bende Koranas en grootgeword op ’n sendingstasie by Kaptein Jesaja. Hy en sy hond vergesel Lang Henning waar hy gaan, en saam vertroos hulle die jong weduwees en hul sussies wat hulle pad kruis.

Wie is Lang Henning? Blykbaar weet net die magistraat op Beaufort dit en hy praat nie....

Avontuurverhale in goeie Afrikaans vir jonk en oud!