Legkaart van Jou Gesig: Fisionomie in 'n Neutedop

Wat is die X-faktor wat jou dadelik van sekere mense laat hou terwyl jy sommer met die eerste oogopslag wéét dat jy weer glad nie met iemand anders oor die weg gaan kom nie? Hoeveel keer het jy al gewens dat jy n gebruikershandleiding het vir elke persoon wat jy ontmoet of n tweede kans kan kry om n beter eerste indruk te maak?Legkaart van jou gesig bied n inleiding tot Fisionomie (studie van die gesig) wat die teorie agter elke gelaatstrek verduidelik en bevat praktiese wenke oor hoe om jou ware self weer te ontdek, effektiewe kommunikasie te bevorder en verhoudings te versterk. Die teorie word eenvoudig beskryf en gesteun deur fotos wat dit maklik maak om nie net jou eie karaktereienskappe te kan herken nie, maar ook dié van jou familie, vriende, kollegas en selfs n moeilike skoonma!Dit is n praktiese gids wat in jou persoonlike lewe sowel as in die werksplek gebruik kan word. Leer hoe om jou kliënt se vertroue te wen of hoekom jou kind so rebels is. Ontdek jou talente en uitdagings en die geheime boodskap wat skuil agter n skalkse glimlag of n kwaai fronsplooi!