Liefde Maak Heel (Afrikaans, Paperback)

This item is sold brand new. It is ordered on demand from our supplier and is usually dispatched within 5 - 10 working days

In Liefde maak heel, die laaste aflewering van Helena Hugo se trilogie oor Isa, leer Isa dat sy net bevry kan word as sy God se geskenk vir die mensdom na waarde ag en verstaan wat in sy Vaderhart gebeur toe Hy besluit het om sy Seun vir haar sondes te gee. Die begrip "vergifnis" word in die Bybelstudieklas uitgepluis, maar dis moeilik om dit in die werklike lewe toe te pas Isa word deur haar verlede beheer en sy kom nie sover om vrede te maak nie.

Kos was haar pynstiller en vandat sy dit nie meer het nie, gryp sy na ander verdowingsmiddels: koopgiere, haar ou skoolmaats wat haar vrygewigheid uitbuit, casino's, kunsuitstallings, teatervertonings, haar nuwe status as suksesvolle kunstenaar en selfs liefdadigheidswerk.

Eers het sy geet om haar diepste seer te verwerk — die stukkende verhouding tussen haar en haar ma, die verwerping deur haar skoolmaats — nou "leef" sy. Maar in die proses lei sy 'n dubbele lewe en lieg vir Adam. Sy, wat so gesukkel het om mense te vertrou en standhoudende vriendskappe te bou, is skielik die middelpunt van bewondering en al dink sy sy is sterk genoeg om enige versoeking te weerstaan, werk dit nie so uit nie.

Wat gaan Isa met haar diepste seer doen? Gaan sy dit bly wegsteek agter haar "pynstillers"? Gaan sy die moeilike proses om jare lange verwerping te verwerk, deurstaan. Sal sy kan leer om te vertrou dat ander haar nou aanvaar — ook al onthou hulle hoe sy eers was? Hoe lank gaan sy aanhou om bevestiging vir haar nuwe status in die samelewing te soek sonder om te besef dat sy soms in die proses uitgebuit en mislei word? Is daar iets soos Goddelike ingryping, ook in die lewe van twyfelaars?