LOURENS, Pieter - Vuurvlieg en Boomklim : Inferno, vaevuur en bo uit - (Pragtige Sagteband)

Boek nog in uitstekende toestand.   >>>  Vuurvlieg en boomklim,met die subtitel inferno, vaevuur en bo uit, poog om deur grepe uit die wêreld- en Suid-Afrikaanse geskiedenis van die twintigste eeu persoonlike lyding in perspektief te plaas, veral met verwysing na die apartheidsbestel. Deur die verskriklike en die chaos is daar ook die hoop wat veral deurskemer in die behandeling van persoonlike voorbeelde, waarmee die boek afgesluit word. Die skrywer se doel is om oor die hel wat hy beleef het te skryf, sodat hy innerlike vrede kan vind. Die titel is na aanleiding van die vuurvlieg wie se sig in sy stert sit en dus simbolies is van die kortsigtigheid van die mens wat aanleiding gee tot rampe en infernos, terwyl die boomklim simbolies is van die moeisame klim terug na die lewe wanneer jy figuurlik gesproke in die hel was.   >>>  Pieter Lourens word groot op 'n Hoëveldse plaas. Hy bekwaam hom as 'n kliniese sielkundige en woon in Gauteng, waar hy onder andere werksaam is by die Kamer van Mynwese. Hy is getroud met 'n Vrystater en het twee kinders, Jansie en Flip. Sy dogter Jansie is tydelik met die bekende anti-apartheid aktivis Carl Niehaus getroud en dien saam met hom tronkstraf uit vir hulle aandeel in die stryd teen apartheid. Hulle is verloof tydens die verhoor, maar trou in die tronk nadat Jansie tot vier en Carl tot vyftien jaar gevonnis is.   * Politiek * Apartheid * Africana * Psychology *