Marike de Klerk - 'n Reis deur Somer en Winter & 'n Plek waar die Son weer skyn

'n Reis deur Somer en Winter oorvertel deur Maretha Maartens - Carpe Diem - 1998, eerste uitgawe, eerste druk - 222pp, sagteband in goeie toestand - Intern: een stempel op eerste bladsy.

Op die omslag word dié verhaal van mev. Marike de Klerk, vrou van
die voormalige staatspresident mnr. F.W. de Klerk, só bekend gestel:
``Marike, het hy (haar pa) voor haar geboorte reeds geweet, sou
anders wees. Sy sou die stof van die meule op Tweespruit agterlaat
en deur ander landskappe na 'n eie bestemming reis.
``Dat die kind wie se oorsprong in Tholen in Zeeland lê,
uiteindelik aan die sy sou staan van 'n man wat bestem was om 'n
lotsbepaler in Afrika te wees, dat Marike by die tafels van konings
sou aansit, dat sy die letsels van kanker onder ontwerpersbaadjies
sou moes versteek, dat roem sy eie prys het en dat sy ook bestem was
om ongekarteerde landskappe te betree, dié sou niemand kon voorsien
nie.

``Marike de Klerk se reis deur somer en winter, deur landskappe van
lig en stormwind, maar veral haar reis na die sin van dinge en na
God, is 'n onvergeetlike vertelling, 'n vroueverhaal met 'n trefkrag
oor grense heen, 'n bittersoet liefdesverhaal.''

'n Plek waar die son weer skyn oorvertel deur Maretha Maartens - Carpe Diem - 1999, eerste uitgawe, eerste druk - 190pp - Sagteband in goeie toestand - Intern skoon en stewig gebind.

De Kler se tweede tweede boek vertel van die lewe na 'n egskeiding. ``Ek voel ek kan dalk nog 'n diens lewer aan mense wat deur 'n krisis is.'' Die boek, 'n Plek waar die son weer skyn, is deur Maretha Maarthens oorvertel en vertel van De Klerk se 48 trappe van herstel ná ``die onherbergsame landskap van verlies''.