Marilyn - Chanette Paul

Marilyn is die vervolg op die Vywervrou-trilogie bestaande uit Lira, Mirre en Corali:

Al is sy gelukkiger as ooit in haar lewe noudat sy omring is van haar geliefde vywervroue, weet Marilyn heimlik sy is nie een van hulle nie.  Sy is 'n kaivrou, die waterwese wat mans en kinders die dieptes insleep en verdrink.  Iets waarmee sy gedink het sy vrede gemaak het.

Met die pandemie wat die wreld op sy kop keer en die ouderdom wat haar al hoe meer bewus maak van haar sterflikheid, is dit seker nie vreemd dat haar gedagtes deesdae aanhoudend terugfoeter na die verlede toe nie.  So ver terug as daardie jaar toe sy en Paul Avenant ontmoet het, en die gevolge daarvan wat uitgeloop het op haar ware annus horribilis.

Nie dat dit daarna veel beter gegaan het nie.  Een onbesonne ding na die ander het sy aangevang tot sy hier op Vywerbaai beland het.  Hier waar sy met haar seun kon herenig en, as enorme bonus, hegte vriendskappe met die vywervroue kon smee.

Sy was sowaar naef genoeg om te dink die meetsnoere begin nou vir haar in die regte plekke val.  Tot die dag voor die eerste grendeltydperk toe sy besef 'n mens se sondes haal jou altyd in.  Selfs sondes wat jy nie gepleeg het nie, maar wel 'n aandeel aan gehad het.

As sy maar net in hierdie laaste pylvak van haar lewe soos Edith Piaf kon s:  "Ek berou niks nie", maar sy kan nie.