Main centres: | 1-3 business days |
Regional areas: | 3-4 business days |
Remote areas: | 3-5 business days |
Met Liefde van Katinka
"Een ding kan ek darem nog nie regkry nie, en dis om my naels so rooi te skilder dat dit lyk asof ek aan die varkslag was en nog nie tyd gehad het om my hande te was nie. Maar ek sal erken, Sus Johanna, dat ek al baie lus gehad het om dit te doen, want dit lyk of 'n mens nie in die mode kan wees tensy jy maar met die varkslag-naels rondloop nie. En ons het mos besluit dat niemand vir my, Katinka Koekemoer, sal sê dat ek 'n plaasjapie is en van niks weet nie."
'n Kosbare kleinood uit die Afrikaner-verlede. Die boek bestaan uit vermaaklike briewe van die fiktiewe plaasmeisie Katinka Koekemoer aan haar ouer sus Johanna op die plaas. Katinka werk in 'n kantoor in Kaapstad, haar eerste stadservaring, en vertel van al die snaaksighede, interessanthede en wetenswaardighede wat sy beleef. Die skryfster is Anna Magdalena van Niekerk (19 Augustus 1917 - 17 Desember 2007) wat onder die skuilnaam Annie van Niekerk skryf. Die meeste van die briewe in Met liefde van Katinka het in Die Burger se Vroueblad verskyn voor dit in boekvorm gepubliseer is. Van Niekerk het in 1940 assistent-redaktrise van die Vroueblad geword en later redaktrise tot einde 1942. Met tekeninge.
Eerste en enigste uitgawe, 1946, uitgegee deur Nasionale Pers Beperk, Kaapstad, Bloemfontein en Port Elizabeth.
Toestand: Baie goed vir ouderdom. Stofomslag effens verweer.
Vir nog boeke, kyk ook by: https://www.bobshop.co.za/seller/3698756/Woordwurm en https://www.bidorbuy.co.za/seller/4352582/KarWal9869