MET LIEFDE VAN KATINKA deur Annie van Niekerk (Uitgegee in 1946)

Hardeband met stofomslag. Binding is stewig en die boek is skoon binne. Van die "briewe" het destyds in Die Burger se Vroueblad verskyn. In boekvorm nou as eerste en enigste uitgawe deur Nasionale Pers in 1946 met 127 bladsye en s/w illustrasies. Die rooi hardeband se hoeke is effe gestamp en die rug se bo- en onderkante effe verweer. Die stofomslag is in minder goeie toestand met skeure langs die kante en bietjie papierverlies by rugeindes. Rakskaafmerke met roesvlekkies. Katinka, 'n plaasnmeisie, werk in Kaapstad. Sy skryf aan haar suster op die plaas oor al die vreemde, snaakse en interessante ervarings wat sy in die stad sien en beleef. 'n Kostelike kleinnood uit ons verlede. Geen oorsese versending.