'n Gevaarlike talent en ander stories

Skrywer: Deon van Zyl

Formaat: Medium Sagteband

Toestand: Baie Goed

Die ou is nou nie een van die aanskoulikste manne wat al ooit gebore is nie. Einste die dat sy pa vir hom sê: "My tjent, as dit eendag by vrouvat kom, sal jy vir jou 'n talent moet kry jy sal wragtig vir jou 'n groot talent moet kry, anners is jy in vir 'n groot gesukkel."

En hy kry toe vir hom 'n talent: om deeglik te kan soen. Hy laat tannies van taggentig en negentig se tone op 'n bondel trek van lekkerte; hy takel weduwees en bruide.

Maar een aand reël 'n goddelose maat 'n afspraak vir hom met 'n meisie wat die son laat verduister. Tog haal hy en "berg Ararat" Lovers' Lane met die motor. Daar begin sy dit op hom uithaal: sewe en twintig jaar se opgekropte lus .

Deon van Zyl vertel nog 'n klomp sulke onhebbelike stories: van Willem Koeëlblad wat vanuit 'n boom groot vriende word met 'n geniepsige Bosveldleeu, van oom Hendrik Allegeite wat in die Anglo-Boereoorlog tien ingelsmanne met een koeël skiet, en van Whiskey, die goeie jaghond, wat met 'n ploeg middeldeur gesny word, maar wonderbaarlik en komieklik herstel; en hoe die polisie 'n duikboot gebruik om 'n monster in die Hartebeespoortdam te help. Dan's daar nog die storie van die atletiese skil-padmannetjie met die skare wellustige wyfies op sy hakke.