'n Verhaal uit die Anglo-Boereoorlog!! Groot Duiwels Dood - Eleanor Baker

Groot Duiwels Dood - Eleanor Baker - Human & Rousseau - 1998, eerste uitgawe - 360ppHardeband met stofomslag in besonder mooi toestand - Inteern soos nuut.

Posgeld en verpakking R30.00

Sy weet sy moet iets sê, bemoedigende woorde, iets wat hom sal krag gee vir die stryd wat voorlê, maar sy kan aan geen woorde dink nie. Sy klou net aan hom vas. Pom-poms, dink sy, kartetse en kanonne. Koeëls wat gaan maai onder al hierdie vlees en bloed en been.

Daar is gerugte van oorlog. Die mans opgewonde en oorgehaal, die vroue met kommer gevul. Dan is die werklikheid, en moet die jong boervrou Cornelia na haar man se vertrek op kommando die plaas bestuur en sorg vir haar mense se veiligheid - soos die meeste ander vroue in die Oranje-Vrystaat. Maar watter ontberings en vernedering nog vir Cornelia en haar mense sou voorlê, dit kon sy nie voorsien nie.

Hierdie aangrypende en epiese verhaal van ‘n Afrikanerfamilie se wedervaringe en stryd tydens die Anglo-Boereoorlog word met soveel oortuigingskrag vertel dat dit die leser meevoer en opnuut onder die indruk bring van hoe oorlog die gewone mens se lewe ingrypend en vir altyd verander.

Hierdie Eleanor Baker roman is gebaseer op werklike gebeure soos opgeteken in gepubliseerde memoires en boeke oor die oorlog, asook ongepubliseerde, outentieke bronne soos briewe en dagboeke.