Nag van die Narre, deur Peet Venter

Thys knik. "Het die uitermatige geweld van die daad jou nie ook opgeval nie, Bissie?"
"Ja," se Fourie. "Jy sal sien die outopsieverslag probeer nie eens aandui hoeveel houe die slagoffer gekry het nie."
"Wat wil jy daarmee se, Thys?" vra Dreyer.
"Dat ek nie dink dat dit net moor ter wille van doodmaak was nie, oom Piet. Oor die algemeen is die moordenaar tevrede, en stop hy, sodra hy redelik seker is dat sy slagoffer dood is. Nie hierdie een nie. Ek het die indruk gekry dat hy aanhou slaan het totdat hy die een of ander iets in hom uitgewoed het, en toe dalk nog 'n paar houe vir good measure geslaan het."

Nag van die Narre is 'n riller vol gruheid en spanning. 'n Reeksmoordenaar kies universiteitsstudente as slagoffers en speurderkaptein Thys Krige moet alles in die stryd werp om nog moorde te voorkom. Die moordenaar fnuik egter elke plan wat die polisie bedink. Die kampus word sy slagveld.