Nie vir kinders nie - Francois Bloemhof

Delivery time : 5 working days

Condition : Good

Sanlam-pryswenner GOUD

Tim Marais is op die vooraand van matriek. Op die oog af het hy alles wat hy wil hê – aantreklikheid, gewildheid en akademiese sukses – maar daar is by hom ’n ontevredenheid met sy voorstedelike bestaan wat hy nie mooi kan verstaan of beskryf nie. Die mense om hom dra by hiertoe: soos tannie Trisa, sy sangdosent, vir wie hy meer voel as wat hy behoort te voel – veral aangesien sy die ma is van sy beste vriend, Ruan. Op sy beurt is Ruan se rol in Tim se lewe nie meer so positief soos vroeër nie. Hy is al hoe minder die oorgewig hanswors wat hy eers was; hy verloor gewig en is meer selfversekerd, maar nie sonder “hulp” nie ... en Tim is in ’n stadium waar hy al oper raak vir oortuiging. Waar hy voel hy het hulp nodig. Tim se ouers, as voorbeelde van hoe hy nié wil word nie, dra daartoe by dat hy in ’n sekere rigting beweeg. Wanneer dinge deur ’n sameloop van omstandighede erg skeef loop, slaan Tim met mening daardie rigting in. Nie vir kinders nie is ’n uitdagende boek waarin reguit gekyk word na hedendaagse vraagstukke, soos dít waarmee jong mense hulself in hul vrye tyd besig hou – en dít wat by sommiges ’n manier van bestaan raak. Wie hulle is en waar hulle inpas, die reëls van dié wêreld waarin hulle hul voete moet vind, seks en godsdiens – dit is maar ’n paar van die vraagstukke waarmee van die jong mense hier worstel. Al verskil die meeste tienerlesers se omstandighede waarskynlik baie van Tim Marais s’n, sal talle van hulle kan identifiseer met sy manier van dink, en dalk selfs sy manier van doen. Ontstellend eerlik, uit die pen van een van Afrikaans se gewildste kinder- en jeugskrywers. "Bloemhof se verhaallyn sleur mee." (Die Burger, 15 Oktober 2005).

Bibliographic information