Rabbedoe van Rietkuil
Almal hou van Nicolette Bezuidenhout, die bekkige parmant van 'n rabbedoe met haar pragtige groen oe. Selfs die baas van Rietkuil, Wynand Hechter, kan hom nie verweer teen sy vroulike plaasvoorman se betowering nie. Maar hy moet oppas! Sy het 'n bokskampioen van 'n kerel wat dik briewe aan haar skryf - tot Wynand se groot misnoee...
Om alles te kroon, daag sy broer ook nog op, en die rabbedoe met die bokstert en langbroek ontluik skielik in 'n uithalergasvrou in ontwerpersklere. Die arme boer van Rietkuil weet skielik net nie meer hoe nou gemaak met hierdie "plaas-voorvrou" van hom nie.
Rabbedoe van Rietkuil is 'n plesierige boek wat die leser sommer lekker laat lag.
Waar die Nagtegaal Sing
Waar die Nagtegaal Sing is 'n veel soberder verhaal: die van 'n jong meisie wat haar wil ontferm oor haar oorlede suster se twee kinders - en selfs bereid is om daarvaar na Spanje te gaan. Helmien Naude is egter heeltemaal onvoorbereid op haar ontvangs by die middeleeuse kasteel met sy eksentrieke inwoners. Ramiro y Domingues se dominerende houding, sy minnares se gekonkel en sy suster se haatdraendheid maak haar lewe uiters onaangenaam. En tog, toe Ramiro akielik besluit dat haar doen en late hom nie meer skeel nie en dat sy kan kom en gaan soos dit haar pas, raak sy yskoud, voel sy of sy kan huil. Skielik begeer sy dat hy soos altyd moet wys hy is baas, ook haar baas. Dat hy haar weer "pequena" (kleintjie) moet noem.
My Afgemete Deel
In My Afgemete Deel beland die pragtige maar onkundige Hybre Koch in die strikke van 'n getroude man. Toe sy haar kom kry, is betrokke by 'n ongure hofsaak. Advokaat Arend Ritter "red" haar, maar op 'n voorwaarde: sy moet bereid wees om vir die duur van die hofsaak as sy verloofde te poseer. Die advokaat vir die verdediging is egter nie verniet 'n gedugte rooikop nie: Mercia Koornhof kom Hybre se geheim agter en sy stel haar eie voorwaardes toe Hybre nie wil he dat die hele bedrogspul op die lappe moet kom nie. En Hybre besef dat nie net Arend Ritter se goeie naam en reputasie op die spel is nie, maar sy hele toekoms. Sy hele lewe. En dit is vir haar duidelik dat sy sal moet vlug.
