Ons eie kleuterbybel deur Juliana Nothnagel en Illustrasies deur Angus McBride, 1981

Ons eie kleuterbybel
Juliana Nothnagel en Illustrasies deur Angus McBride, 1981
Ons eie Kleuterbybel is in 1981 uitgegee.
Die doel van hierdie Kleuterbybel is om aan ons kleines — en selfs ook aan volwassenes — die blye boodskap van die evangelie te vertel. Dit is dus nie saamgestel uit los Bybelverhale nie, maar wil die draad van die heilsgeskiedenis deurtrek van Genesis tot Openbaring met die vooruitsig op die nuwe hemel en die nuwe aarde.
Uit die aard van die saak moes dit op kursoriese wyse gedoen word. Uiteindelik is 107 verhale gekies. By hierdie keuse moes sowel die sentrale boodskap van die Skrif in gedagte gehou word as die begripsvermoë van ons kleines. Hiervoor is die hulp van teoloë, Ou- en Nuwe- Testamentici, en kinderopvoedkundiges ingeroep.
Die groot strewe was om die verhale so eenvoudig moontlik oor te dra met inagneming van die klein kind se woordeskat, sonder om die Woord van God te verwater. Aan die einde van elke verhaal is daar ‘n kort gebed wat vir die kind, so glo ons, die boodskap nog sterker sal tuisbring en wat hom nog meer sal leer van die mens se verhouding tot God in Jesus Christus. Want dáárom gaan dit immers.
Elke verhaal is ryklik in volkleur geillustreer wat ook visueel die verhale voor kinderoë werklikheid laat word. Hierdie illustrasies is die gevolg van baie deeglike navorsing. Die kunstenaar het hom daarop ingestél om sy uitbeelding van Bybelse tye, kleredrag en omstandighede so outentiek moontlik te maak. As ’n hulpmiddel vir ouers en onderwysers is daar agterin enkele aantekeninge wat sekere historiese feite in verband met die illustrasies verduidelik.
Ter wille van die kleuter word hier ’n voorstelling van Christus as ,,Seun van die mens” gemaak. As sodanig word Hy na sy menslike natuur voorgestel. Die bedoeling is alIermins om die goddelike Persoon af te beeld terwyl dit tog volledig in stryd met die Skrif sou wees.

Ist edition in excellent condition with a plastic cover

Postage and Packaging is R40