Oorlogsdagboek van 'n Tranvaalse burger te velde 1900-1901 met inleiding en aantekeninge deur MER

Oorlogsdagboek van 'n Transvaalse burger te velde 1900-1901 met inleiding en aantekeninge deur MER - Tafelberg - Twee uitgawe, eerste druk 1976 - 265pp, indeks, kaarte - Hardeband in goeie toestand - Stofomslag toon rakverweer, maar geen papierverlies - Intern skoon en stewig gebind, een vorige eienaarskap.

Tydens die Tweede Vryheisoorlog het MER se broer in twee aantekeningboekies 'n dagboek gehou. Die aantekeninge loop oor die tydperk Mei 1900 tot Desember 1901. Die boekies moes een na die ander in die skrywer se baadjiesak al sy oorlogsavonture deurmaak.

Oorlogdagboek op sigself gee 'n beeld van die oorlogservaring soos dit in geen geskiedenisboek presies so voorkom nie. Die onmiddellikheid van die beskrywing, die verskriklike feitelikheid van elke gebeurtenis wat aangeteken word en die striemende eerlikheid van die burger se persoonlike uitspraak het 'n onontkombare trefkrag.