POTTEBAKKERY STAP VIR STAP deur George Patterson

Die antieke kuns van pottebakkery bly nogsteeds die grootste uitdaging vir die handwerkkunstenaar.  Hierdie maklik verstaanbaar handleiding bring pottebakkery binne die bereik van iemand wat niks daarvan weet nie, en kan die begin wees van n nuttige tydverdryf en n lonende tuisbedryf.

George Patterson, ervare pottebakker en leermeester, lei die oningewyde stap vir stap n nuwe wereld binne:  eers die nodige gereedskap, dan die soek en voorbereiding van die klei, daarna die maak van eenvoudige vingerpotte, plaatpotte en rolpotte, en dan die draai van silinderpotte en bakke op die wiel.  Met behulp van n reeks foto's kan die leser as't ware bystaan terwyl die pottebakker die basiese tegnieke en handposisies demonstreer.  Die versiering van die ongebakte potte, en die meng en aanwending van verskillende slikkleure en glasure word sonder omhaal verduidelik; die skrywer illustreer ook hoe handvatsels, ore en deksels gemaak kan word.  Eindelik word die bak van die potte bespreek.

Die hart van n eie pottebakkery is die wiel en die oond.  Vir die praktiese leser wat nie te veel geld in hierdie toerusting wil steek nie, word met diagramme stap vir stap verduidelik hoe n eenvoudige skopwiel and gasoond gebou kan word.

Hardeband, gooie toestand.  36 bladsye, vol geillustreer