Pretorius, J Op Trek. Die daaglikse lewe tydens die Groot Trek

1988 A4 grootte hardeband boek met 240 bladsye in baie mooi toestand. R55 posgeld in SA.  Agterin in die boek in 'n koevert is 'n baie groot uittrekkaart met gekombineerde foto's.                                              OP TREK is ‘n uitbeelding van die daaglikse lewe tydens die Groot Trek. ‘n Mens lees van mense wat die Trek meegemaak het; van die voorbereidings vir die lang tog die onbekende in; van gevaarlike reis met die ossewa oor berge en vlaktes en deur vol riviere; van kosmaak op die trekpad; van die klere wat die Trekkers gedra het; van die maak van kerse seep kruithorings swepe en pype; van onverskrokke jagters en noue ontkomings op die jagveld; hoe daar laer getrek is in tye van gevaar; van siektes rate en medisyne; van die begrafnis van gestorwenes; van kerkdienste die doop van kinders en die aanneming van jongmense as lidmate van die kerk; van geliefkoosde liedere wat gesing is; hoe die kinders skoolgegaan en leer lees en skryf het; van pret en plesier op bruilofsfeeste en op Nuwejaar en die vreugde wanneer die smous opgedaag het; van die lewe in waens tente en hartbeeshuisies en hoe die eerste huise na die Trek gelyk het. Die daaglikse lewe op trek word uitgebeeld soos Trekkers dit in dagboeke en herinneringskrifte opgeteken of vertel het soos kunstenaars uit hulle tyd dit geteken of gekilder het en soos dit blyk uit die versameling voorwerpe in die Nasionale Kultuurhistoriese en Opelugmuseum wat aan Trekkers behoort het en in die Voortrekkermonumentmuseum besigtig kan word. Dit sluit in boeke wapens kledingstukke gebruiksartikels foto’s end persoonlike besittings. OP TREK is geskryf deur navorsers van die Nasionale Kultuurhistoriese en Opelugmuseum wat ‘n studie van hierdie versameling gemaak het.””