Van ons ouer mense onthou nog die dae toe met n tentwa na die n dorp gery is vir Nagmaal; of die bokwa waarmee die mielies uitgery is. Die verewaentjie, spaider en kapkar vorm eweneens deel van baie mense se herinneringe aan die ou dae en die rytuie van weleer. Vandag is daar min dinge wat die publiek se verbeelding so aangryp as n optog van ou rytuie, getrek deur spoggerige perde en gedryf met outydse vaardigheid.
Rytuie van Weleer is die eerste omvattende en gesaghebbende Afrikaanse werk oor die waens, karre en koetse van weleer. Die skrywer neem ons 5 000 jaar terug in die geskiedenis en deur al die ontwikkelingsfases van rytuie in Europa, Engeland en Suid-Afrika, tot met ons eie wa- en rytuigbouers en hul produkte. Al die rytuigfamilies word beskryf en geillustreer en byna geen ryding met twee of vier wiele wat deur diere getrek is, ontbreek in die werk nie. Daar is hoofstukke spesiaal oor die os en ossewaens en oor die perd en sy tuig waarin trekgoed en inspan-metodes volledig bespreek word.
Met behulp van 236 swart-wit-illustrasies en 21 kleurplate word die verhaal vertel: van die tegniese ontwikkeling van waens en rytuie, van die ondernemingsgees van ons wa- en rytuigbouers en van die wel en wee van die koetsdiensondernemers. Deur die talle geskiedkundige fotos, opgediep uit argiewe en museums, word deftige troupare in landaus, boerekinders met n treppie op pad skool toe, pres. Paul Kruger in sy berlyner of die goue era van die poskoets lewend voor die geestesoog geroep.
Met sy alfabetiese registers en museologiese opgawes en aantekeninge is Rytuie van Weleer onontbeerlik vir museums en studente van ons kultuur-geskiedenis. En vir nog lewende gebruikers en belangstellendes in die voertuie van gister, is die boek n fassinerende reisgids na die goeie oue tyd voor die koms van die motor.
Rytuie van Weleer is die eerste omvattende en gesaghebbende Afrikaanse werk oor die waens, karre en koetse van weleer. Die skrywer neem ons 5 000 jaar terug in die geskiedenis en deur al die ontwikkelingsfases van rytuie in Europa, Engeland en Suid-Afrika, tot met ons eie wa- en rytuigbouers en hul produkte. Al die rytuigfamilies word beskryf en geillustreer en byna geen ryding met twee of vier wiele wat deur diere getrek is, ontbreek in die werk nie. Daar is hoofstukke spesiaal oor die os en ossewaens en oor die perd en sy tuig waarin trekgoed en inspan-metodes volledig bespreek word.
Met behulp van 236 swart-wit-illustrasies en 21 kleurplate word die verhaal vertel: van die tegniese ontwikkeling van waens en rytuie, van die ondernemingsgees van ons wa- en rytuigbouers en van die wel en wee van die koetsdiensondernemers. Deur die talle geskiedkundige fotos, opgediep uit argiewe en museums, word deftige troupare in landaus, boerekinders met n treppie op pad skool toe, pres. Paul Kruger in sy berlyner of die goue era van die poskoets lewend voor die geestesoog geroep.
Met sy alfabetiese registers en museologiese opgawes en aantekeninge is Rytuie van Weleer onontbeerlik vir museums en studente van ons kultuur-geskiedenis. En vir nog lewende gebruikers en belangstellendes in die voertuie van gister, is die boek n fassinerende reisgids na die goeie oue tyd voor die koms van die motor.