Senator G.G. Munnik - Kronieke van Noordelike Transvaal

Circa 1920 uitgegee. Baie mooi toestand. R65 paxi of R100 koerier / postnet in SA.

'n Pragtige eksemplaar van George Glaeser Munnik se herinneringe en kronieke van die Noordelike Transvaal. 136 bladsye. Hierdie kopie is voorin geskrywe aan ene Lilian de Wet, te Kaapstad, 3 Julie 1922. 'n Verdere inskripsie op die titelblad deur C R Wolhuter. Beide De Wet en Wolhuter was lidmate van die destydse baie bekende Robertson Literary Society.
Munnik beskrywe sy gedagtes en reise na Potchefstroom, Zoutpansberg, ou Boerejagters, Generaal Potgieter, Kommandant Vorster, Lijdenburg, Grahamstad, Ramapoelanda, Moorddrif, Paul Kruger, Theodoor Haenert, Ds Nicolaas van Warmeloo, Ladysmith, Schoemansdal, Waterberg, Leydsdorp, Smitsdorp, Malaboch, Bisskop Bousfield, Majoeba, Jameson, Modjadji, M'Pefu......

Senator George Glaeser Munnik was 'n Pionier van Noord-Transvaal en skrywer. Hy is in 1846 in Worcester, Kaapkolonie, gebore. Hy sluit aan by die Staatsdiens en word siviele kommissaris van Barkly-Oos. Hy veg in die Basoeto-, Tamboekie- en ander oorloe  en gaan na die ontdekking van goud na Transvaal. Hy sluit aan by die Republikeinse Staatsdiens en word landdros en mynkommissaris in Noord-Transvaal. Hy veg in die Tweede Vryheidsoorlog, word gevange geneem en word een van die eerste Transvaalse L.V.'s onder Verantwoordelike Regering. Na Unie-wording word hy 'n senator. Hy was 'n bekende deskundige op perde, en slaag daarin om geleenthede te verbeter vir die invoer van volbloed diere. Hy het verskeie boeke geskryf, wat romans en herinneringe insluit. Oorlede in 1935.