Skakel jou Brein aan - Coroline Leaf

Skakel jou brein aan Ontdek jou unieke intelligensieprofiel en ontgun jou potensiaal ten volle - Caroline Leaf - 2005 - 218pp, indeks, swart en wit illustrasies - Sagteband in besonder goeie toestand - Intern skoon en stewig gebind.

Posgeld en verpakking R28.00

Mense wil al van die vroegste tye af die oneindige, ongetapde potensiaal van die brein ontsluit. Wat sou jy doen as jy ‘n skakelaar kon vind wat jou brein aanskakel en jou skielik vinniger en beter sou laat leer? Wat as jy hierdie skakelaar sou kon beheer om te leer en om kennis meer effektief te onthou as ooit tevore?

In Skakel jou brein aan stel Dr Caroline Leaf die leser bekend aan Geodesiese Leer®, ‘n alternatiewe benadering tot dink, onderrig en leer. Hierdie benadering stel die brein in staat om inligting met begrip te prosesseer en sodoende optimaal te leer.

Dr Leaf identifiseer sewe verskillende intelligensies wat elke persoon se unieke intelligensieprofiel vorm. Deur die tipe intelligensie te identifiseer wat dominant is in die brein, kan lesers begin om op ‘n manier te leer wat verenigbaar is met hulle brein, en verstaan hoe hulle eie denkpatrone werk.

Die boek leer die leser om ‘n breinskakelaar te gebruik as ‘n leermeganisme. Die sleutel tot hierdie breinskakelaar is om met Metakognitiewe-Kaarte ® te leer. Die skrywer beskryf die aard van hierdie Metakognitiewe-Kaarte ® en hoe om hulle te gebruik vir verskillende leerfases, van voorskool tot universiteit.

Behalwe vir hierdie totaal nuwe leerparadigma, sluit die boek hoofstukke in oor voeding vir die brein en tegnieke om leer te ondersteun en te bevorder.

Dr Leaf verduidelik die aard en metode om die breinskakelaar te gebruik op duidelike en bondige wyse wat maklik verstaan sal word deur volwasse en jonger lesers. Die boek sal leerders van alle ouderdomme in staat stel om te leer op ‘n wyse wat die funksionering van hul brein die beste pas.