Springbok-Triomf - Quintus Van Rooyen

Die merkwaardige Flappie Lochner en sy aandeel in ons rugby en die verhaal van 'n baie talentvolle rugbyspeler, 'n begaafde keurder en 'n besonderse mens. Terselfdertyd is dit 'n rykgeskakeerde vertelling oor Springbokrugby wat strek oor 'n tydperk van bykans vier dekades aan weerskante van die Tweede Wêreldoorlog.
Lochner, 'n Springbok-senter van meer as dertig jaar gelede, se naam is onherroeplik verbind aan die triomfjare, 1967-1970, toe ons rugby homself herstel het na 'n vorige tydperk van swaarmoed en nederlae, ná die swart jaar van 1965 toe 7 uit 8 toetse verloor is. Die onoorwinlikheid van die Springbokke was toe 'n illusie. Wie is die man wat die feniks weer laat herrys het, wat met 'n totaal nuwe benadering gekom het ten opsigte van span kies, van die verhouding keurder-speler, van afrigting, van 'n vyfjaarplan? Flappie se naam staan hier groot geskryf."