Stella Blakemore, volledige stel van al 12 boeke in die bekende 1970's uitgawe van die gewilde Maasdorp-reeks.
Al die boeke is hardeband met gedrukte prente (die boeke is nie met stofomslae uitgereik nie). Wat toestand betref, wissel hulle van feitlik nuut, skaars geleesde eksemplare tot eks-biblioteekboeke (slegs 4 van die 12). Maar almal kan deurgaan as ten minste goeie leeseksemplare en daarom word hulle saam as 'n stel aangebied. Sien individuele beskrywings en foto's hieronder.
1. DIE MEISIES VAN MAASDORP, 8ste uitgawe, 2de druk, 1974
Baie goeie toestand - skoon en stewig binne, met enkele klein vlekkies en skaafplekke op die buiteblad. Naam van vorige eienaar op eerste binneblad in ink.
2. DIE JONGSTE MEISIE IN MAASDORPSKOOL, 5de uitgawe, 2de druk, 1976
Baie goeie toestand - skoon en stewig binne, met geringe skaafplekkies op die buiteblad. Rugkant ietwat verbleek. Naam van vorige eienaar op eerste binneblad in ink.
3. KOBIE REGEER, 7de uitgawe, 1971
Baie goeie toestand - skoon en stewig binne, met enkele klein vlekkies op die buiteblad. Naam van vorige eienaar op eerste binneblad in ink.
4. KOBIE EN DIE WONDERKIND, 2de hersiene uitgawe, 1970
Eks-biblioteekboek met die gewone parafernalia. Boek het heelwat vlekkies binne en skyn eens waterskade opgedoen het, maar 'n skaflike leeseksemplaar. Die eerste binneblad trek ietwat los. Buiteblad redelik skoon maar met kleeflint rondom die boonste hoek van die rug en geringe skade onderaan die rugkant.
5. ALLEGRA OP MAASDORP, 7de druk, 1968
Goeie toestand - skoon en stewig binne, maar die buiteblad is ietwat vuil voorop en vertoon insekskade, veral aan die agterkant. Geskeninskripsie op eerste binneblad in ink.
6. MAASDORP SE DRIE MUSKETIERS, 5de uitgawe, 1972
Eks-biblioteekboek met die gewone parafernalia. Boek het paar vlekkies binne, maar 'n skaflike leeseksemplaar. Op die titelblad trek dit ietwat los.Buiteblad redelik skoon maar daar is skade bo en onderaan die rugkant, en by die onderste hoek trek dit ook bietjie los.
7. MAASDORP SE NUWE ONDERWYSERES, 3de uitgawe, 1971
Goeie toestand - skoon en stewig binne. Buiteblad in goeie toestand behalwe vir groterige skaafplek voor onder en 'n kleinerige vlek agterop. Beide die binneblaaie en die buiteblad toon tekens van kleeflint.
8. HOOFMEISIE KOBIE, 3de uitgawe, 1971
Baie goeie toestand - skoon en stewig binne. Buiteblad ietwat vuil met geringe rakskade onderaan die rugkant. Naam van vorige eienaar op eerste binneblad in ink.
9. KOBIE GAAN VERDER, 3de uitgawe, 1971
Eks-biblioteekboek met die gewone parafernalia. Boek het paar vlekke binne en een kanterne trek ietwat los, maar 'n skaflike leeseksemplaar.Buiteblad redelik skoon maar daar is skade bo en onderaan die rugkant.
10. JUFFROU KOBIE, 3de uitgawe, 1973
Baie goeie toestand - skoon en stewig binne, maar die buiteblad het 'n paar vuil vlekke en kolle. Naam van vorige eienaar op eerste binneblad in ink.
11. ONTGROENING OP MAASDORP, 1ste uitgawe, 1972
Eks-biblioteekboek met die gewone parafernalia. Boek is redelik skoon binne, maar die eerste kanterne trek ietwat los - op die titelblad is daar 'n strook kleeflint om dit vas te hou. Beide die binneblaaie het reste van gom wat waarskynlik die eertydse plastiekomhulsel vasgehou het. Die buiteblad is redelik maar met skade bo en onder aan die rugkant, en die reste van 'n plakker aan die kant van die voorblad.
12. LALAGE OP MAASDORP, 1ste uitgawe, 1974
Baie goeie toestand - skoon en stewig binne, met enkele klein vlekkies op die buiteblad. 'n Boekprysplakker is op eerste binneblad met die naam van die vorige eienaar. Andersins 'n uitstekende eksemplaar.
Posgeld: R60 met die Poskantoor of R100 met Postnet (tak-tot-tak). UIteraard kombineer ek graag items ten einde op posgeld te spaar. Gewoonlik pos ek binne 2-3 dae na ontvangs van betaling.
Betaling: Ek verwag betaling binne 3 dae na suksesvolle bie, of andersins word die koop gekanselleer en die item(s) geherlys.
