Swyg, vermy of vlug?/Charles K Robertson

Wat het van die Christenleiers en gelowiges van die Vroeë Kerk geword 'n paar jaar na die dood en hemelvaart van Jesus tot en met die beleg en inval van Jerusalem in 70 nC?

In "Swyg, vermy of vlug?" wys die skrywer op ontstellende wyse hoe die disintegrasie van Jerusalem 'n paar jaar voor 66 nC begin het, totdat dit op die totale verwoesting van Jerusalem uitgeloop het. Opvallend is egter dat daar in daardie tyd geen verwysing is na die Christenleiers en gelowiges nie. Hulle skitter in hulle afwesigheid.

Tydens talle krisistye in die geskiedenis het gelowiges dieselfde tragiese pad gevolg as dié wat gelowiges van die Vroeë Kerk waarskynlik gevolg het, naamlik om óf te ontvlug, ófte swyg, óf so met wêreldse dinge verstrengel te raak dat hulle nie die sout en die lig was nie.

Daar is min Afrikalande wat na die verkryging van hulle demokrasie of onafhanklikheid, nie spoedig in die een of ander vorm van anargie verval het nie. Uitsprake en aksies deur politieke leiers en andere wys daarop dat Suid-Afrika, soos Zimbabwe, mettertyd dieselfde tragiese pad kan volg.

Die skrywer neem die analogie van Bybelse leiers en hulle optrede en wys hoe die kerk in Suid-Afrika die enigste werkbare alternatief kan bied om die naderende verval te stuit. Maar daarvoor moet vergifnis, restitusie en versoening as dringende sake op die agenda van die kerk en elke gelowige geplaas word.

"Swyg, vermy of vlug?" vra vrae: Wie is die ware Christenleiers en gelowiges in Suid-Afrika aan die begin van die 21ste eeu? En waar is hulle? 

Paperback in good condition.

Postage for buyer. 

Please check my other listings as I gladly combine items:

https://www.bidorbuy.co.za/seller/1431565/Human01