TOIT, Z.B. du - Die Nuwe Toekoms : `n Perspektief op die Afrikaner by die Eeuwisseling - (Sagteband)

'n Mooi boek - Lyk vir my nog ongelees maar het wel vorige eienaar se naam binne.  Z.B. du Toit skryf al vir bykans twee dekades oor politieke gebeure in Suid-Afrika en die buiteland. Benewens 'n lewendige belangstelling in wat onder Afrikaners gebeur rondom hulle taal, kultuur en politiek, volg hy ook internasionale ontwikkelings nougeset. Hy was een van die eerste Suid-Afrikaanse joernaliste wat Sentraal- en Oos-Europa besoek het na die val van die Berlynse Muur.   -   Du Toit het ook heelwat van die Suid-Afrikaanse gebeure wat in "Die Nuwe Toekoms" behandel word, persoonlik meegemaak. Hy is 'n senior politieke joernalis by die Sondagkoerant "Rapport" in Johannesburg, is getroud, met een kind, en woon in Pretoria.   -   Hierdie is die eerste werklik belangrike boek oor die Afrikaners se politieke lotsbestemming sedert F.W. de Klerk se aankondiging op 2 Februarie 1990 dat die ANC en ander ondergrondse organisasies ontban word.
Dit spel helder en dringend die huidige dilemma van Afrikaners en Afrikaans uit: solank die definisie van Afrikaners dié is van post-koloniale setlaars wat net op individuele regte mag staatmaak, sal Afrikaners as groep stelselmatig disintegreer en Afrikaans tot 'n private taal verskraal.
Du Toit plaas 'n sterk alternatief op die tafel: Afrikaners moet leer om hul eise en aansprake as minderheid as 'n progressiewe vorm van politiek te beoefen. Hierdeur sal hulle pluralisme van die Suid-Afrikaanse politieke stelsel help versterk wat vir 'n liberale demokrasie onontbeerlik is.
Dit is van oorlewingsbelang dat die boek wyd gelees en gedebatteer word.   -   'n Onortodokse en uitdagende boek wat geen leser louwarm sal laat nie. 'n Boek wat meedoënloos maai onder die politieke illusies en mites van die dag. Loshande een van die prikkelendste ontledings nog van die politieke omwentelinge in Suid-Afrika.        * Politiek * Africana * Afrikaans non-fiction * History and Politics *