Totius Profeet van die Mooirivier - V. E. d'Assonville

Totius Profeet van die Mooirivier 'n Lewenskets van Prof dr J.D. du Toit - V.E. d'Assonville - Tafelberg - 1977, eerste druk - 119pp, swart en wit foto's - hardeband met stofomslag in goeie toestand - Intern: oud-biblioteekboek steeds skoon en stewig gebind. Posgeld en verpakking R25.00

Vir ons is Totius - prof. dr. J.D. Du Toit - die groot volksdigter, predikant, teologie-professor, volksman, Bybelvertaler, Psalmberymer en taalstryder. Deur sy teologiese geskrifte leer ons hom ken as toegewyde bedienaar van die Woord en as uitnemende Skrifverklaarder. In sy gedigte weer is hy die bedroefde vader wat treur oor die dood van sy kinders, is hy die volksman wat troos vir sy volk ná die oorlog bring. Maar wat weet ons van Japie, die jong seun wat voor 'n beroepskeuse staan? Van die jong rebel wat hom tydens die Boereoorlog by die Transvaalse magte aansluit en later na Nederland moet vlug? En van sy stryd ná sy terugkoms in sy vaderland toe nie één gemeente hom wou beroep nie. Dit is hierdie Totius wat dr. D'Assonville aan ons bekend stel. Sy omvangryke navorsing en 'n aantal unieke foto's wat hier vir die eerste keer gepubliseer word, stel hom in staat om met gesag nuwe insig te gee in hierdie roepingsbewuste man wat deur sy volk geëer is as "ons innig geliefde Totius".