T'Sats van die Kalahari - Willem D. Kotze

T'Sats van die Kalahari - Willem D. Kotze - Tafelberg - 1994,  eerste uitgawe - 116pp - Sagteband in goeie toestand - Inter; een naam, verder skoon en stewig gebind.

Posgeld en verpakking R25.00

T’sats van die Kalahari vertel die storie van ’n Boesmantjie, T’saits, wat kleintyd deur ’n Boerejaggeselskap gevind word nadat hy in ’n stamstryd verlore geraak het. Hy word dan by die witmense op die werf groot en pas vyftien jaar lank vir hulle skaap op. Hy leer nooit ander Boesmans ken nie. Kotzé skryf in die voorwoord dat hy saam met die Boesmanseuntjie T’sats skape opgepas het en hoe die jong seun ’n voortdurende hunkering na sy mense gehad het. Hy skryf verder: “My hunkering om terug te gaan na my loopplekke as kind daar in die Kalahari is baie sterk, maar net soos T’sats kom ’n mens voor omstandighede te staan wat dit onmoontlik maak. Daarom het ek in my verbeelding maar saam met hom na sy mense gaan soek.”