Tussen Kokerboom en Kaiingklip - Pieter Strauss

 Tussen Kokerboom en Kaiingklip - Pieter Strauss - Lapa - 2006 - Sagteband in mooi toestand.

Die titel van Pieter Strauss se bundel, Tussen kokerboom en kaiingklip, en die atmosferiese buiteblad plaas die bundel binne in die kontreiverhaalgenre. In hierdie geval is dit die ruimte van die Boesmanland wat uitgebeeld word. 

Die Boesmanlandse ruimte word deur velerlei verwysings in die bundel vergestalt, soos deur die kaarte in die binneblad, die voorwoord deur Strauss waarin hy oor sy liefde vir die kontrei gesels en die leser uitnooi om saam te reis, aangehaalde gedigte, 'n lys van interessante woorde, klankverskynsels en segswyses uit die kontrei, erkennings aan persone wat op een of ander wyse by die bundel betrokke was, en uit die aard van die saak, deur die verhale self.