UIT DRUK!! Ena Murray - OMNIBUS 14

Omnibus 14 - Ena Murray - Jasmyn - 2007, eerste uitgawe - 512pp - Sagteband in goeie toestand.

Posgeld en verpakking R28.00

Die glimmende simitar
Maanlig oor die Amasone
'n Eiland in die son

Elkeen van die heldinne in hierdie omnibus bevind haar in die eksotiese vreemde en moet stry teen iets in haarself waarvan sy vroeër nie bewus was nie.
In Die glimmende simitar, Ena Murray se heel eerste pennevrug, maak Rianne ’n sterfbedbelofte aan haar moeder dat sy sal gaan soek na haar verlore broer – agter die golwende wit sandduine van Arabië. Haar pas kruis spoedig dié van ’n geheimsinnige sjeik.

In Maanlig oor die Amasone kom Annalie ’n gemaskerde oerwoudman, Rex, teë wanneer sy na haar pa en verloofde in die Amasone gaan soek. Sy besef sy moet wegkom, maar sonder Rex is sy vroualleen teen mensvretende plantgedrogte, barbaarse oerwoudwette en die gevreesde vroue van die Amasone ...

’n Eiland in die son – só lyk dit vir die toeriste wat Fernando Poo aandoen. Maar toe die negentienjarige Willemien in ’n ligte vliegtuig hier in die tropiese oerwoud neerstort – saam met ’n geheimsinnige vreemdeling en ’n jaloerse miljoenêrsvrou, nadat hulle as gyselaars uit hul gekaapte Boeing op pad terug na Suid-Afrika ontvoer is – is dit allesbehalwe ’n toeristeparadys.