Verkennings Kommandos. Ons Vergeet Nie. Die Recces - Peet Coetzee (Geteken)
Check my rate
| Main centres: | 1-3 business days |
| Regional areas: | 3-4 business days |
| Remote areas: | 3-5 business days |
Product details
2010 Eerste uitgawe eerste druk. Nuwe boek. Sagteband. Geteken met die komplimente van die Skrywer. Baie s & w fotos
Resensie: -
“DIE boek is ’n vertaling na Afrikaans van die Engelse SPECIAL FORCES JAM STEALER wat in 2008 gepubliseer is. En dit geniet die erkenning wat JAM STEALER reeds verwerf het as ’n aangrypende oorlogsmemoir en as die mees omvattende en ryklik geïllustreerde van alle grensliteratuur boeke.
As boonop een van die insiggewendste boeke oor die tegniese en praktiese aspekte van oorlogvoering in die konteks van die Grensoorlog glo ek ONS VERGEET NIE is ’n vertaling wat moes volg.
ONS VERGEET NIE is ’n persoonlike getuienis deur die skrywer, grootliks in eerstepersoonsvertelling, van sy ervaringe in die Bosoorlog en die 30 jaar wat hy soldaat was. Maar Peet Coetzee was nie by gewone soldate geplaas nie: Hy was ingedeel by die verkenning soldate; sy eenheid vir die tydperk van 13 jaar die beroemde en berugte “Recces”. Hierdie eenhede was pal aan die front en het meestal agter die linies van die vyand opgetree. Coetzee is egter nie verknog aan sy eie ervaring nie. Hy bied ’n vertelling verweef met verwysing na groter aspekte van die oorlog soos beskrywings van skermutselings en veldslae, operasies en optredes, met weergawe en aanduidings van algemene en alledaagse lewenswyse van ’n soldaat.
Hy kan ervaring van individuele soldate op grondvlak aan die front beskryf, sowel as insigte bied oor die groter oorlog en die oorlogsmasjien van die weermag. En dit het ’n besonderse balans van perspektief tot gevolg. Hy bied tegniese aspekte en praktiese fasette van oorlogvoering toeganklik aan en slaan met gemak oor na persoonlike wedervaringe.
Hierdie vertaling is in knap, eenvoudige, reguit Afrikaans en doen vir die Recces wat Die Buffel Struikel vir 32 Bataljon gedoen het.
Die indruk is dat die Recces nie net blindelings onverskrokke soldate met ’n “the devil may care but we don’t”- houding was nie, maar dat dit ’n gespesialiseerde eenheid was wat oorlogvoering in die Grensoorlog amper vervolmaak het.
Dit laat ’n mens met nuwe waardering vir dié professionele soldate“. – Adriaan van den Berg, vryskutresensent
