Verslag van die Kommissie van Ondersoek na Aangeleenthede Rakende die DOO. 4e verslag, Mei 1992

Op 15 Junie 1988 is 'n kommissie aangestel om ondersoek in te stel na, en verslag te doen oor:

a) die reëlmatigheid of andersins van die verkryging van 'n IVIS Interaktiewe Videostelsel deur die Department van Onderwys en Opleiding; en

b) die reëlmatigheid of andersins van enige ander besteding van staatsgeld deur hierdie departement wat weens inligting tot die Kommissie se aandag gekom en na die Kommissie se oordeel ondersoek moes word.

Die agtergrond van die ondersoek waaroor in hierdie dokument verslag gedoen is,  was ongerymdhede rondom die aankoop van boeke van die firma Qualitas.

Dokument is in baie goeie toestand, skoon en sonder merke behalwe vir 'n naam wat in pen voorop die omslag geskryf is. Die saalgekramde buiteblad is lig vergeel.