Wanneer 'n vrou bid

Daar is n heilige roepstem in elke vrou se hart n verlange om nader aan God te leef, om Sy wil bo haar eie te kies, en om n lewe te lei wat Hom eer. Maar tussen die eise van die lewe, die seer van verhoudings, en die worstelinge van die self, kan dit maklik wees om Hom stilweg agter te laat.

Hierdie boek is gebore uit daardie diep behoefte om weer stil te raak voor die Here, om te leer om as vrou nie net vir ander te bid nie, maar ook vir jouself. Want net wanneer jy in Sy teenwoordigheid rus en jouself oorgee, kan jy werklik die vrou word wat Hy jou geroep het om te wees.

Meer van U, minder van my is nie net n gebedsboek nie; dit is n reis van oorgawe, genesing en groei. Elke gebed is geskryf met die doel om jou te help om jouself aan God toe te vertrou jou denke, jou hart, jou reaksies, jou woorde en jou drome.

Mag hierdie gebede jou daagliks herinner dat jy nie alleen loop nie. Mag dit jou leer om in geloof op te staan, sagmoedig te wees, sterk in die gees, en diep gewortel in Christus. En bo alles, mag jy leer om te sê: Here, nie my wil nie, maar U sn.

Hier begin die reis minder van jou, en meer van Hom.