Weskus Omnibus 2 Ter wille van Talita & haar ma se kind - Helena Hugo

Ter wille van Talita - Die storie van die Van den Heevers, 'n gesin wat aan die Weskus naby Lambertsbaai woon. Hulle hou hulle eenkant, maar beland onder die soeklig wanneer Theuns van den Heever nie wil hê sy dogters moet aan 'n Kersspel deelneem nie. Dit lyk asof hy sy vrou en kinders met 'n ysterhand regeer. Theuns is 'n streng gelowige wat sy dogters teen slegte invloede en seerkry wil beskerm, min wetend dat hy dit te ver voer en sy vrou en dogters die kans ontneem om te groei en te kan ontwikkel. Die titel kom vanuit Markus 5:41 waar Jesus vir die dogtertjie sê: âœTalita, staan op!❠Dit word simbolies gebruik as prentjie van die ontwaking van 'n kind, maar ook 'n sigbare teken van 'n kind wat volwasse word en haar eie identiteit moet vestig, weg van die beskerming van haar ouers. Sy moet as 't ware opstaan en op haar eie kan staan. Haar ma se kind - Jo-Anne Stals woon in Londen. Sy besluit om die leuen waarmee sy al so lank leef uit die weg te ruim. Dit raak egter haar ouers en veral haar ma, Dora en ook haar dogter, Dania. Sy weet nie of sy die regte ding doen nie. Dalk doen sy eindelik die regte ding, maar op die verkeerde tyd? Dora is 'n steunpilaar in die gemeenskap, maar as gevolg van haar werk as verpleegsuster en liefdesdade as kerksuster is sy op die rand van ineenstorting. Sal sy Jo-Anne se aksie oorleef?

TITLE: Weskus Omnibus 2 Ter wille van Talita & haar ma se kind

AUTHOR: Helena Hugo

SKU: 9780796323446

PUBLISHER: Lux Verbi

DATE PUBLISHED: 2024

PLACE PUBLISHED: Suid-Afrika

PAGES: 560

BINDING: Sagteband

LANGUAGE: Afrikaans

DIMENSIONS: 213x137x40

WEIGHT: 500g