Wie is Jan Hoender

Skrywer: Jeanne Goosen

Formaat: Medium Sagteband

Toestand: Baie Goed

Wanneer Jan Hoender met sy massiewe trok fratshoenders op pad na Dankbaarheid, Andries Brits se plaas, op die dorp aandoen, weet die boere hulle kan maar hulle trekkers en masjinerie begin nasien. Dit sal 'n goeie reënjaar wees.

Maar wie Jan Hoender werklik is, weet niemand nie. Hy is anders. Hy hou hom eenkant. Vra hulle hom waar hy aan sy kennis kom, antwoord hy: "My hoenders. Hulle sê vir my waar en wanneer." So 'n man, vermoed die mense, is nie te vertrou nie. Mense is maar soos hoenders, weet Jan Hoender. Elkeen is vol van sy eie wysheid, dwaasheid, dwarsheid en irrasionaliteit. Albei is in strafkampe ge-organiseer en gekondisioneer. Die mens deur sy eie toedoen. Hoenders deur dié van die mens.

In hierdie verwikkelde maar boeiende novelle, Wie is Jan Hoender?, beeld Jeanne Goosen die konflik uit tussen mens en natuur. Uit die mikrokosmos, die klein kamee van Jan Hoender en sy rare voëls, groei die beeld van 'n planeet in die greep van die mens se rusteloosheid en magjagsheid.

JEANNE GOOSEN is die veelbekroonde prosateur, dramaturg en digter van onder andere Ons is nie almal so nie, Om 'n mens na te boots, Louoond, 'n Gelyke kans en Kombuis-blues.