Wolwedans in die Skemer :: Leon van Nierop

Feitlik nuut. Tafelberg, 2011. Sagteband. 448 bladsye.

Hierdie verhaal van Leon van Nierop is ’n fenomeen wat oorspronklik die lig gesien het as radiovervolgverhaal (1979), toe ’n roman geword het (1983), daarna ’n televisiereeks (1985) en in Oktober 2012 uitgereik is as 'n rolprent, die eerste “Boere-noir”.

Leon het die draaiboek geskryf en dit het hom aangespoor om die roman opnuut te skep. Dit is dus ’n totaal nuwe roman wat tot stand gekom het, met dieselfde geliefde karakters as destyds, maar geplaas in die hedendaagse Suid-Afrika.

Die mooi jong Sonja Daneel beland in Hazyview in ’n motorongeluk. Sy herwin haar bewussyn, maar ly  aan geheueverlies. Sy herstel in die Hotel Njala en raak betrokke by die intriges en lotgevalle van ’n formidabele familie wie se lewe onlosmaaklik verbind is aan dié onheilspellende hotel.

Voeg hierby geraamtes uit Sonja se eie verlede wat spoedig hul opwagting begin maak en die tafel is gedek vir ’n heerlike, spannende storie wat lesers nie sal kan neersit nie.

____________________________________________________________________