AAA - PLESSIS, Andries du - Die Bewaring van ons Erfenis - (Hardeband in Stofomslag)

Boek en omslag nog baie mooi.   >>>  Hierdie boek is saamgestel uit vyf boekdele wat Caltex-Olie (S.A.) (Edms.) Bpk. tussen 1968 en 1972 die lig laat sien het as deel van hierdie maatskappy se diens vir gemeenskapsontwikkeling. 'n Hele aantal mense het meegewerk aan die sukses van hierdie boekdele, en aan almal word op die gepaste plek erkenning gegee. Die produksie van hierdie boekdele oor so 'n periode het dit moontlik gemaak om 'n enorme verskeidenheid van illustrasiemateriaal byeen te bring, en bowendien kon alles, sover moontlik en gerade, in kleur gedruk word. Vir 'n beperkte mark soos Suid-Afrika is dit wel 'n aansienlike prestasie. Die skryf en uitgee van die boekdele oor so 'n lang periode het egter meegebring dat sekere dele van hierdie werk nie gemetriseer is nie. In hierdie oorgangsperiode is dit wel nie so belangrik nie, en ons glo dat die Suid-Afrikaanse publiek die klein vergrypie sal vergewe in die lig van wat gebied word! Die vyf boekdele wat so uitgegee is, word nou aangebied as een boek met die oorkoepelende titel Die Bewaring van ons Erfenis. Ons erfenis in Suid-Afrika is nie alleen ou geboue nie - dit is bowenal ons ryke natuurerfenis wat so dikwels bedreig word deur onkunde of hebsug.