Generaal J.B.M. Hertzog: Sy Strewe en Stryd Volume I & II - JH Le Roux, PW Coetzer, AH M

Die Instituut vir Eietydse Geskiedenis (INEG) aan die Universiteit van die Oranje-Vrystaat is in 1980 deur die Afrikaanse Persfonds onder trusteeskap van adv. B.J. Vorster (die destydse voorsitter), dr. A. Hertzog en mnr. J.J.H. Victor (die huidige voorsitter) genader om 'n wetenskaplike politieke biografie oor die lewe en werk van die gevierde staatsman, genl. J.B.M. Hertzog, saam te stel 'n projek wat ook deur die Afrikaanse Persfonds geborg sou word. Vir INEG, tans die tuiste van die Afrikaanse Persfonds se J.B.M. Hertzog-leerstoel, was dit 'n groot uitdaging en voorreg om vir dié belangrike en verantwoordelike taak uitgesonder te word. Die lof en eer vir hierdie grootse projek kom die Afrikaanse Persfonds (reeds op 3 April 1935 gestig) in die algemeen en mnr. Jan Victor, direkteur van Perskor en voorsitter van die Afrikaanse Persfonds, in die besonder toe. Hierdie mense het reeds op kultuurgebied werk van ontsaglike belang geïnisieer en geborg. Hul bydrae op Afrikaner kultuurakker is monumentaal. Mnr. Victor, wat al sedert 1935 met die Fonds gemoeid is, sowel as die ander trustees, werk in stilte en ontvang weinig krediet en eer vir wat hulle vermag. Hul kulturele monumente is die stille getuienis van onvermoeide ywer en Afrikaner-patriotisme sonder weerga. Die huidige trusteelede van die Afrikaanse Persfonds is mnr. J.J.H. Victor (voorsitter), Dr. C.P.C. (Carel) de Wet en Mnr. J.B.M. Hertzog, kleinseun van Genl. Hertzog.

TITLE: Generaal J.B.M. Hertzog: Sy Strewe en Stryd Volume I & II

AUTHOR: JH Le Roux, PW Coetzer, AH Marais

PUBLISHER: Perskor

DATE PUBLISHED: 1987

PLACE PUBLISHED: Suid-Afrika

PAGES: 863

BINDING: Hardeband

LANGUAGE: Afrikaans

DIMENSIONS: 246 x 162